Avstraliyanın Kvinslend ştatında yerləşən və timsahlarla tanınan çay, 2032-ci il Yay Olimpiya Oyunlarında kanoe və avarçəkmə yarışlarına ev sahibliyi edəcək.
Əvvəllər təhlükəsizlik baxımından bu yarışların başqa bir bölgəyə köçürülməsi nəzərdən keçirilirdi. Lakin Rowing Australia və Olimpiya Təşkilat Komitəsi müzakirələrdən sonra məhz bu lokasiyada qalmağa qərar verdilər.
Təşkilatçılar yarışdan əvvəl çayda olan ən iri və təhlükəli timsahları tutmağı planlaşdırırlar. Bununla belə, yerli qayıqçılıq federasiyası bu qərarı riskli və qənaətbəxş hesab etmir.
Qeyd edək ki, 2032-ci il Yay Olimpiadası 23 iyul – 8 avqust tarixlərində Avstraliyanın Brisben şəhərində keçiriləcək.
