Monteneqronun Petrovaç şəhərində 20 yaşadək şahmatçılar arasında keçirilən dünya çempionatında 1-ci turun partiyaları baş tutub. sport-az.com-un məlumatına görə, Azərbaycan təmsilçilərindən Xəzər Babazadə, Şiroğlan Talıbov, Ayan Allahverdiyeva və Nərmin Abdinova ilk turda qələbə qazanaraq çempionata uğurlu start veriblər.
Yalnız Lalə Hüseynova 1-ci turda rəqibinə məğlub olub.
Qeyd edək ki, 61 ölkədən 263 şahmatçının qatıldığı dünya çempionatı 11 turdan ibarət olacaq. Azərbaycan şahmatçıları növbəti turlarda da uğurlu çıxış göstərməyi və medallar uğrunda mübarizə aparmağı hədəfləyirlər.
