Azərbaycan Respublikasının Prezidenti İlham Əliyev noyabrın 12-də FIFA prezidenti Canni İnfantino ilə görüş keçirmişdir.
Görüş zamanı İnfantino Prezident İlham Əliyevə xatirə hədiyyələri təqdim etmiş, xüsusilə dövlət başçısının adı və soyadı yazılmış xüsusi topu ona təqdim etmişdir.
Prezident İlham Əliyev COP29-da iştirak etdiyinə görə FIFA prezidentinə təşəkkürünü bildirib.
FIFA prezidenti Canni İnfantino isə öz növbəsində COP29-a dəvətə və tədbirin yüksək səviyyədə təşkilinə görə minnətdarlığını ifadə edib.
Söhbət zamanı Azərbaycanda idmana, xüsusən futbola göstərilən dövlət qayğısı qeyd olunmuşdur. Prezident İlham Əliyev Canni İnfantinonun Azərbaycan futboluna verdiyi dəstəyə görə təşəkkür etmişdir.
Görüşdə Azərbaycan ilə FIFA arasında əməkdaşlığın uğurla davam etdiyi vurğulanıb və bu əlaqələrin gələcəkdə də davam edəcəyinə əminlik ifadə olunub. Azərbaycanda FIFA tərəfindən təşkil ediləcək tədbirlərin keçirilməsi ilə bağlı məsələlər də müzakirə olunmuşdur.
