“Reyncers” klubunun azarkeşi İstanbulda baş verən yol qəzası nəticəsində həyatını itirib. Hadisə komandanın Avropa Liqasının “Fənərbaxça” ilə qarşılaşmasından əvvəl, “Şükrü Saracoğlu” stadionunun yaxınlığında baş verib.
“Ibrox” klubu bu faciəvi hadisə ilə bağlı rəsmi açıqlama yayıb:
“İstanbulda baş verən yol-nəqliyyat hadisəsi nəticəsində azarkeşlərimizdən birinin həlak olması bizi dərin kədərləndirdi. Bu çətin anlarda onun ailəsi və dostları ilə birlikdə olduğumuzu bildiririk. Klub olaraq, Türkiyə və Böyük Britaniya rəsmiləri ilə daim əlaqədəyik və bu faciəvi hadisə ilə bağlı müvafiq tədbirlər görülür.”
Avropa Liqasının 1/8 final mərhələsi çərçivəsində keçirilən oyunu izləmək üçün İstanbulda 2 000-dən çox “Reyncers” azarkeşi səfərdə olub.
“Fənərbaxça” klubu da başsağlığı verib:
“Reyncers azarkeşinin İstanbulda yol qəzasında həlak olması xəbəri bizi dərin kədərləndirdi. Onun ailəsinə, “Reyncers” klubuna və bütün futbol ictimaiyyətinə başsağlığı veririk.”
