Portuqaliya millisinin və “Əl-Nəsr” klubunun ulduz futbolçusu Kriştiano Ronaldo futbol tarixinin ən yaxşısı hesab etdiyi klubu açıqlayıb. Sport-az.com-ın Fabrizio Romanonun sosial media hesabına istinadən verdiyi məlumata görə, Ronaldo “Real Madrid”in tarixin ən yaxşı klubu olduğunu vurğulayıb və burada oynamağın onun üçün böyük xoşbəxtlik olduğunu bildirib.
Ronaldo açıqlamasında deyib: “Real” tarixin ən yaxşı klubudur və mən orada oynamaqdan çox xoşbəxt idim. Klubun bütün dövrlərinin ən yaxşı bombardiri oldum, dörd Çempionlar Liqasını qazandıq, bu, gözəl idi”.
Kriştiano Ronaldo, 2009-2018-ci illər arasında “Real Madrid” klubunda çıxış edib və bu dövrdə 438 oyunda 450 qol vuraraq klub tarixində rekordçu olub. O, həmçinin 131 qol ötürməsi verib və 4 Çempionlar Liqası kubokunu qazanaraq klubun uğurlarına böyük töhfə verib.
