Azərbaycanlı qrossmeyster Eltaç Səfərli Avstriyanın Linz şəhərində təşkil olunan “Grand Prix PlusCity” turnirində uğurla çıxış edir. Yarış sürətli şahmat üzrə keçirilir və Səfərli artıq blits mərhələsini arxada qoyub.
Blits mərhələsində 10 xal – 4-cü yer
Sport-az.com-un məlumatına görə, Eltaç Səfərli blits mərhələsində 13 partiyadan 10 xal toplayaraq turnir cədvəlində 4-cü sıranı tutub. O, gümüş və bürünc medalçılardan cəmi yarım xal geridə qalıb. Turnirin qalibi isə İran təmsilçisi, güclü qrossmeyster Pərxam Maqsudlu olub – 12 xal.
Blitsdən sonra Eltaç Səfərlini rapid turniri gözləyir. İdmançımızın bu mərhələdə də yüksək nəticə əldə edəcəyi gözlənilir.
