“Qarabağ”ın Avropa Liqasındakı rəqibi “Bodö/Qlimt” Norveç çempionatında “Kristiansund” üzərində 4:0 hesabı ilə qələbə qazanıb. Bu oyunda cinah oyunçusu Yens Petter Hauge iki qol vurub.
Sport-az.com xəbər verir ki, 24 yaşlı futbolçu ardıcıl ikinci matçda dubl edir. O, ötən həftə Avropa Liqasında “Portu”ya 3:2 hesabı ilə qalib gəldikləri oyunda da iki dəfə fərqlənmişdi.
“Milan” və “Ayntraxt Frankfurt” kimi məşhur klublarda çıxış etmiş Hauge 2024-cü ildən etibarən “Bodö/Qlimt”də icarə əsasında oynayır. Onun komandası “Qarabağ”la növbəti görüşünü noyabrın 7-də Norveçdə keçirəcək.
