Bu gün Rumıniyanın Eforie-Nord şəhərində kişi şahmatçılar arasında keçirilən Avropa çempionatının son turu baş tutur. Yarışın yekun mərhələsində Azərbaycan şahmatçıları üçün həlledici qarşılaşmalar gözlənilir.
Sport-az xəbər verir ki, qrossmeyster Nicat Abasov 7,5 xalla turnir cədvəlində 7-ci pillədə qərarlaşıb. Son – 11-ci turda o, lider almaniyalı Matias Blübaumla üz-üzə gələcək. Qələbə Abasova medal şansını təmin edə bilər.
Bununla yanaşı, digər azərbaycanlı şahmatçılar da Dünya Kubokuna vəsiqə qazanmaq şanslarını saxlayırlar. Aydın Süleymanlı, Əhməd Əhmədzadə və Riad Səmədov hər biri 7 xalla irəliləyir və ilk 20-likdə yer almaq üçün mübarizə aparırlar.
11-ci turun cütlükləri belədir:
- Matias Blübaum (Almaniya) – Nicat Abasov
- Baadur Cobava (Gürcüstan) – Aydın Süleymanlı
- Maksim Laqard (Fransa) – Əhməd Əhmədzadə
- Riad Səmədov – Vasili İvançuk (Ukrayna)
- Qay Levin (İsrail) – Məhəmməd Müradlı
- Misrətddin İskəndərov – Eyal Noy (İsrail)
- Yan Sibelj (Sloveniya) – Şahin Vəliyev
- Ümid Aslanov – Yan Klimkovski (Polşa)
- Mirça Parliğras (Rumıniya) – Haqan Əhməd
- Şiroğlan Talıbov – Andrey Bonte (Rumıniya)
- Bendegus Bodrogi (Macarıstan) – Süleyman Süleymanlı
- Vüqar Manafov – Maksim Dubneviç (Ukrayna)
- Elmar Atakişiyev – Kristian Arseniy (İsveçrə)
Turnir cədvəlinin ilk pillələri:
- Matias Blübaum (Almaniya) – 8 xal
- Daniil Yuffa (İspaniya) – 8 xal
- Nicat Abasov – 7,5 xal
