Ötən mövsümün ikinci dövrəsini “Mingəçevir” klubunda keçirən nigeriyalı hücumçu Abba Usmanın gələcək taleyi artıq dəqiqləşib.
sport-az.com-ın əldə etdiyi məlumata əsasən, 21 yaşlı afrikalı forvard – eyni zamanda pleymeyker mövqeyində də çıxış edə bilən futbolçu – qarşıdakı mövsümdə də “şəhərlilər”in heyətində çıxış edəcək. Klub rəhbərliyi Usmanla 1 illik müqavilə imzalayıb.
Klubda dəyişikliklər davam edir
Qeyd edək ki, “Mingəçevir” 2023/24 mövsümünü I Liqada 4-cü pillədə tamamlayıb. Mövsüm başa çatdıqdan sonra klub rəhbərliyi baş məşqçi Füzuli Məmmədovla yollarını ayırıb. Komandanın yeni çalışdırıcısı isə tanınmış mütəxəssis Ramiz Məmmədov olub.
