Albaniya futbol klubu “Egnatia”, “Qarabağ” klubunun hücumçusu Rödön Cicanın transferini həyata keçirməyi planlaşdırır.
Sport-Az portalının Kuq e Zi nəşrinə istinadən verdiyi xəbərə görə, qış fasiləsinə 4-cü pillədə yollanan komanda heyətini yeni oyunçularla gücləndirmək niyyətindədir. Bu oyunçulardan birinin də Ağdam klubunun təcrübəli hücumçusu olduğu bildirilir.
Daha əvvəl isə Cica ilə digər Albaniya klubu “Partizani” də maraqlanmışdı.
Rödön Cica haqqında məlumat
Futbolçu 2023-cü ilin yanvarında Albaniyanın “Tirana” klubundan “Qarabağ”a transfer olub. Hazırda onun “Qarabağ” ilə müqaviləsi 30 iyun 2026-cı il tarixinə qədər qüvvədədir. Hücumçu “Qarabağ”ın heyətində göstərdiyi performansla diqqət mərkəzinə düşüb və müxtəlif klubların marağına səbəb olub.
