“Roma”nın kapitanı Lorentso Pelleqrini, qış transfer pəncərəsində “Napoli”yə keçməyə yaxındır. Antonio Konte, Pelleqrinin komandasına uyğun gələn oyunçu olduğunu düşünərək rəhbərlikdən onun transferini tələb edib. Bu barədə “Sky Sport” məlumat yayıb.
28 yaşlı yarımmüdafiəçi, “Roma”nın hazırkı vəziyyətindən narazıdır və iddialarından uzaq düşmüş komandanı tərk etmək fikrinə müsbət yanaşır. Pelleqrini, Konte ilə işləmək və daha uğurlu bir mühitdə oynamaq şansı əldə etmək istəyir. Oyunçunun “Roma” ilə müqaviləsi 2026-cı ilə qədər qüvvədə olsa da, “Napoli” onun transferi üçün ciddi addımlar atmağa hazırdır.
Cari mövsümdə Pelleqrini “Roma” ilə 18 matç keçirib və 1 qol vurub. Onun “Napoli”yə keçidi, həm şəxsi karyerasında, həm də Neapol klubunun mövqelərini gücləndirmək baxımından əhəmiyyətli ola bilər.
