Azərbaycanın futzal çempionu “Araz-Naxçıvan” Portuqaliyanın güclü komandası “Benfika” ilə üz-üzə gələcək. 1/8 final mərhələsinin bu çətin qarşılaşması noyabrın 24-də Bakıda, cavab görüşü isə dekabrın 5-də Portuqaliyada baş tutacaq.
Əgər təmsilçimiz növbəti mərhələyə yüksələrsə, 1/4 finalda Yunanıstanın AEK komandası ilə Portuqaliyanın “Sportinq” klubunun qalibi ilə qarşılaşacaq.
“Benfika” və “Araz-Naxçıvan” arasında baş tutacaq qarşılaşmalar bu il ərzində komandaların bir-birini sınayacağı mühüm mərhələlərdən olacaq. ¼ final mərhələsinin oyunları 23 fevral və 6 mart tarixlərində keçiriləcək.
Qeyd edək ki, futzal üzrə bu turnir öz cari formatında ilk dəfə təşkil edilir. Əvvəlki illərdə əsas mərhələdən sonra elit-raund oyunları keçirilirdi.
