UEFA Çempionlar Liqasının 1/8 final mərhələsində iştirak edəcək Azərbaycan futzal komandası “Araz-Naxçıvan”ın səfər oyununun yeri və vaxtı müəyyənləşib. Azərbaycan Futzal Federasiyasının yayıdığı məlumata əsasən, təmsilçimiz dekabrın 5-də Lissabon şəhərində, “Pavilhao Fidelidade” adlı arenada Portuqaliyanın “Benfika” komandası ilə qarşılaşacaq.
Matç Bakı vaxtı ilə saat 21:30-da başlayacaq. “Pavilhao Fidelidade” arenası 2400 azarkeşə xidmət göstərə bilir. Qeyd edək ki, komandalar arasında ilk görüş noyabrın 24-də Bakıda, Bakı İdman Sarayında keçiriləcək.
Bu qarşılaşmalar “Araz-Naxçıvan”ın UEFA-nın mötəbər turnirindəki mübarizəsinin vacib hissəsidir və komandamız ölkəmizi yüksək səviyyədə təmsil etmək üçün səylərini davam etdirəcək.
