Londonda çıxış edən “Arsenal” qadın futbol komandası UEFA Qadınlar Çempionlar Liqasının yarımfinal mərhələsinə yüksəlib. İngiltərə təmsilçisi “Real” komandasını iki oyunluq qarşılaşmada məğlub edərək növbəti mərhələyə adlayıb.
İlk oyunu 0:2 hesabı ilə uduzan “Arsenal” cavab görüşündə əsl dönüş yaradıb. Komanda ikinci hissənin ilk 15 dəqiqəsində 3 qol vuraraq ümumi hesabda irəli keçib və mərhələni təmin edib.
Yarımfinalda “Arsenal”ı Avropa futbolunun nəhəng klublarından olan “Lion” ilə qarşılaşma gözləyir. Yarımfinal oyunları 19 və 20 aprel tarixlərində keçiriləcək, cavab qarşılaşmaları isə 26 və 27 apreldə baş tutacaq.
Qeyd edək ki, “Arsenal”ın kişilərdən ibarət komandası da eyni mərhələdə “Real”la qarşılaşacaq. Bu oyunlar 8 və 16 aprel tarixlərində oynanılacaq.
