1xBet Azərbaycan sizi qışın son ayında keçiriləcək ən maraqlı avrokubok qarşılaşmaları ilə tanış edir.
Çempionlar Liqası, pley-off matçları
- Benfika – Real (17.02, 25.02)
«Qartallar»ın «Kral klubu» ilə əsas mərhələnin son turundakı qarşılaşması doğrudan da alovlu keçdi. Lissabon təmsilçisi güclü rəqibdən qorxmadı və Real ilə əsl qol yağışına çevrilən matç göstərdi. Andreas Şelderup və Kilian Mbappe dubl etdilər, qapıçı Anatoli Trubinin son saniyələrdə vurduğu inanılmaz qol isə Benfikaya 4:2 hesablı qələbə qazandırdı və portuqalları pley-off mərhələsinə daşıdı.
İndi isə azarkeşləri bu möhtəşəm qarşıdurmanın pley-off raundunda davamı gözləyir. Bu dəfə Lissabon təmsilçiləri üçün evdə qələbə qazanmaq kifayət etməyəcək – istənilən nəticədən sonra onları Madriddə çətin səfər gözləyir. Real oyun baxımından ciddi çətinliklər yaşayır və ən yaxşı formasında deyil, lakin hiyləgər Joze Mourinyonun keçmiş klubunu məğlub etmək üçün mütləq bir planı var. Bununla belə, «Kral klubunun» heyəti dünya səviyyəli ulduzlarla doludur və «Santyaqo Bernabeu»da keçiriləcək 90 dəqiqə Madridlilərin hər hansı rəqibi üçün sonsuz kabusa çevrilə bilər.
- Monako – Pari Sen-Jermen (17.02, 25.02)
Çempionlar Liqasının 1/16 finalında ikinci mövsümdür ki, iki fransız komandası qarşılaşacaq. Turnirin əvvəlki mövsümündə Pari Sen-Jermen bu mərhələdə Bresti ümumi 10:0 hesabı ilə darmadağın etmişdi. Lakin hazırkı çempion üçün monakolular daha çətin və narahat rəqib kimi görünür.
Hazırkı mövsümdə Monakoda hər şey qaydasında deyil: Fransa çempionatında «Qırmızı-ağlar» cədvəldə cəmi 10-cu yerdədirlər. Parislilər heyət baxımından açıq-aşkar üstünlüyə malikdirlər, lakin Monako ilə son qarşılaşmada paytaxt təmsilçisi 0:1 hesabı ilə uduzmuşdu, ona görə də Luis Enrikenin komandasını asan gəzinti gözləmir.
- Qarabağ – Nyukasl (18.02, 24.02)
«Köhlən Atlar» Premyer Liqa klubuna qarşı daha bir döyüşə çıxacaq. Bu cütdə Nyukasl açıq-aşkar favorit sayılır, lakin Gurban Gurbanovun yetirmələri daha əvvəl Çelsi ilə heç-heçə oynamışdılar və İngiltərənin daha bir təmsilçisinə qarşı da mübarizə aparmağa çalışacaqlar.
Qarabağ ilk oyunu evdə keçirəcək: komandamızın azarkeş dəstəyindən maksimum istifadə etməsi və çətin cavab qarşılaşmasından öncə üstünlük qazanması çox vacibdir. Müdafiədə etibarlı oyun və əks-hücumlarda effektiv çıxış Azərbaycan çempionları üçün uğurun açarı ola bilər.
- Bude-Glimt – İnter (18.02, 24.02)
Milan təmsilçisi cari Çempionlar Liqasında mövsümə ardıcıl dörd qələbə ilə başlasa da, sonrakı üç oyunda məğlub olaraq ilk səkkizliyə düşə bilmədi. İndi isə İnteri favoritlərin qorxulu rəqibi sayılan Bude-Glimt ilə pley-off qarşılaşmaları gözləyir. Simpatik Norveç komandası səfərdə Madrid Atletikosunu məğlub etməyi bacarıb, həmçinin Mançester Sitiyə qarşı 3:1 hesablı sensasiyalı qələbə qazanıb.
«Neradzurrilər» avrokuboklarda daha böyük təcrübəyə və ulduzlardan ibarət heyətə malikdirlər, lakin Bude şəhərindən olan qara at ilə qarşılaşma ilk baxışdan göründüyündən daha çətin ola bilər.
Avropa Liqası, pley-off matçları
- Fənərbaxça – Nottingem Forest (19.02, 26.02)
Türk və ingilis komandaları arasında duel bu mərhələdə ən rəqabətli və maraqlı qarşılaşmalardan biridir. Fənərbaxçanın heyətində Marko Asensio, Kerem Aktürkoğlu və Taliska kimi tanınmış adlar yer alır. Nottingem Forest isə fiziki cəhətdən güclü komandadır, müdafiədən hücuma sürətli keçidlər etməyi bacarır və hava ötürmələrində yaxşı oynayır.
- Seltik – Ştutqart (19.02, 26.02)
Şotlandiya çempionları mövsümdə ikinci dəfə Martin O`Nilin komandanın sükanı arxasına qayıdışından sonra yenidən dirçəlib. Onlar Bundesliqada dördüncü yeri tutan Ştutqartı turnirdən kənarlaşdırmağa çalışacaqlar. Dolub-daşan «Seltik Park» stadionundakı ab-hava hər zamankı kimi qaynar olacaq, Daydzen Maeda və komandası isə «Şvablar»ın üzərinə hücum dalğaları ilə hücum edəcək. Ştutqart isə buna kollektiv oyun və almanlara məxsus dəmir intizamla cavab verəcək.
Konfrans Liqası, pley-off matçları
- Yaqelloniya – Fiorentina (19.02, 26.02)
Əgər komanda A Seriyasında qalmağı bacarmazsa, cari mövsüm «Bənövşələr» üçün əsl fəlakətə çevrilə bilər.Hazırda Fiorentina bütün diqqətini yerli çempionata yönəldib, bu isə Polşa təmsilçisi Yaqelloniyaya daha tanınmış rəqibinə qarşı əlavə üstünlüklər verir.
- Zrinski – Kristal Pelas (19.02, 26.02)
Ötənilki İngiltərə Kubokunun qalibi bu dəfə sirli Bosniya klubu ilə qarşılaşacaq. Kristal Pelas bu cütün və ümumilikdə turnirin açıq-aşkar favoriti sayılır, lakin hazırda London təmsilçisi uğursuz dövr yaşayır. Bu isə Zrinski-yə Konfrans Liqasının builki mövsümündə əsas sürprizlərdən birini təqdim etmək ümidi verir.
Avrokuboklardakı gərgin qarşılaşmaları 1xBet-lə birlikdə izləyin!
