Yeni həftə UEFA turnirlərində azarkeşləri maraqlı qarşılaşmalarla sevindirəcək. Həftəiçi keçiriləcək oyunları Azərbaycan və Türkiyənin idman kanalları birbaşa yayımlayacaq.
Sport-az.com xəbər verir ki, “CBC Sport” kanalı iyulun 30-da baş tutacaq “Qarabağ” – “Şelburn” (birinci oyunda Azərbaycan qalib gəldi), eləcə də iyulun 31-də keçiriləcək “Hayduk” – “Zirə” oyunlarını canlı yayımlayacaq.
Bundan başqa, “İctimai TV” təmsilçimiz “Sabah”ın “Petrokub”la qarşılaşmasını nümayiş etdirəcək. “İdman TV” isə “Araz-Naxçıvan”ın Kiprin “Aris” klubu ilə mübarizəsini ekranlara gətirəcək. Türkiyə təmsilçilərinin oyunları isə TRT 1 və HT Spor kanallarında yayımlanacaq.
Yayım cədvəli:
30 iyul – UEFA Çempionlar Liqası:
- 20:00 – “Qarabağ” vs “Şelburn” → CBC Sport
31 iyul – UEFA Konfrans Liqası:
- 20:00 – “Sabah” vs “Petrokub” → İctimai TV
- 21:45 – “Başakşehir” vs “Çerno More” → TRT 1
- 22:15 – “Aris” vs “Araz-Naxçıvan” → İdman TV
- 23:00 – “Hayduk” vs “Zirə” → CBC Sport
31 iyul – UEFA Avropa Liqası:
- 22:00 – “Şaxtyor Donetsk” vs “Beşiktaş” → HT Spor
Avrokuboklarda çıxış edən Azərbaycan klublarının oyunları azarkeşlər üçün yerli kanallar vasitəsilə əlçatan olacaq.
