Lüksemburqda keçirilən Avropa akrobatika çempionatında Azərbaycan təmsilçiləri uğurlu nəticə göstəriblər.
Sport-az.com xəbər verir ki, gənclər arasında keçirilən yarışda ölkəmizi təmsil edən qadınlar qrupu — Diana Məmmədova, Firuzə Qasımzadə və Safiyə Babayeva — temp hərəkəti üzrə təsnifat mərhələsində beşinci yeri tutaraq finala vəsiqə qazanıblar.
Digər qadın üçlüyümüz — Aylin Məmmədova, Jasmin Əliyeva və Ayan Hacılı — isə temp hərəkəti üzrə altıncı pillədə qərarlaşıb. Lakin qaydalara əsasən, bir ölkədən yalnız bir qrup finalda iştirak edə bildiyi üçün bu üçlük yarışın son mərhələsində iştirak etməyəcək.
