Bu gün Azərbaycan kişi voleybol millisi Avropa Gümüş Liqası çərçivəsində növbəti oyuna çıxacaq. Sport-az.com xəbər verir ki, baş məşqçi Fərid Cəlalovun rəhbərliyi ilə yığmamız Bakıdakı Gənclər və İdman Nazirliyinin Voleybol Mərkəzində Lüksemburq komandası ilə üz-üzə gələcək.
Oyuna dair əsas məlumatlar:
- Turnir: Avropa Gümüş Liqası – III tur
- Görüş: Lüksemburq – Azərbaycan
- Başlama vaxtı: 18:00
- Məkan: GİN-in Voleybol Mərkəzi, Bakı
- Hakimlər: Çevril Ebru Kaya (Türkiyə), Miroslav Yuraçek (Slovakiya)
Hazırda Azərbaycan komandası 2 oyundan sonra 3 xalla turnir cədvəlində yer alır. Bu görüşdə rəqibə 2 set vermədən qələbə qazanmaq, komandamıza Lüksemburqa çatmaq imkanı verəcək.
Qeyd edək ki, millimiz növbəti matçını iyunun 15-də Macarıstan yığmasına qarşı keçirəcək.
