UEFA Avropa Liqasında 1/8 final mərhələsinin ilk oyunları keçirilib. Avropanın müxtəlif şəhərlərində baş tutan qarşılaşmalar bir neçə gözlənilməz nəticə ilə yadda qalıb.
İngiltərənin “Aston Villa” klubu səfərdə Fransanın “Lill” komandası ilə qarşılaşıb və minimal hesablı qələbə qazanıb. Oyunun taleyini ikinci hissədə Ollie Uotkinsin vurduğu qol həll edib. Digər ingilis təmsilçisi “Nottingem Forest” isə doğma meydanda Danimarkanın “Midtyulland” klubuna məğlub olub.
Almaniya komandaları üçün isə tur uğurlu keçməyib. “Ştutqart” öz meydanında “Portu”ya uduzub, “Frayburq” isə səfərdə Belçikanın “Genk” klubuna məğlub olaraq cavab oyunu öncəsi çətin vəziyyətə düşüb.
Digər qarşılaşmaların nəticələri
Günün digər oyunlarında da gərgin mübarizə qeydə alınıb. Yunanıstanın “Panatinaikos” klubu İspaniyanın “Betis” komandasını son dəqiqələrdə vurulan penalti qolu ilə məğlub edib. Macarıstanın “Ferentsvaroş” komandası isə Portuqaliyanın “Braqa” klubuna qarşı inamlı qələbə qazanıb.
İtaliya derbisində “Bolonya” və “Roma” komandaları qalibi müəyyən edə bilməyiblər. Həmçinin İspaniyanın “Selta” klubu ilə Fransanın “Lion” komandası arasındakı qarşılaşma da bərabərliklə başa çatıb.
UEFA Avropa Liqası – 1/8 finalın ilk oyunları
- Lill (Fransa) – Aston Villa (İngiltərə) 0:1
Qol: O. Uotkins, 61. - Ştutqart (Almaniya) – Portu (Portuqaliya) 1:2
Qollar: Undav, 40 – Moffi, 21. Mora, 27. - Bolonya (İtaliya) – Roma (İtaliya) 1:1
Qollar: Bernardeski, 50 – Pelleqrini, 71. - Panatinaikos (Yunanıstan) – Betis (İspaniya) 1:0
Qol: Taborda, 88 (pen.) - Selta (İspaniya) – Lion (Fransa) 1:1
Qollar: Rueda, 25 – Endrik, 87. - Nottingem Forest (İngiltərə) – Midtyulland (Danimarka) 0:1
Qol: Ço, 80. - Genk (Belçika) – Frayburq (Almaniya) 1:0
Qol: Al-Vahdi, 24. - Ferentsvaroş (Macarıstan) – Braqa (Portuqaliya) 2:0
Qollar: Kaniçovski, 32. Yozef, 69.
