UEFA Avropa Liqasında pley-off mərhələsinin ilk qarşılaşmaları davam edir və bu gün səkkiz həyəcanverici oyun baş tutacaq. Bu mərhələ, turnirin ən həlledici anlarından biri hesab olunur, çünki komandalar növbəti mərhələyə yüksəlmək üçün mübarizə aparırlar. Güclü rəqiblərin toqquşduğu bu qarşılaşmalarda favoritlər qalib gəlməyə çalışacaq, lakin bəzi sürpriz nəticələr də istisna edilmir. Avropa futbolunun nəbzinin döyündüyü bu mərhələdə Türkiyə, İspaniya, İtaliya və Niderlandın aparıcı klubları da iştirak edir.
Sport-Az xəbər verir ki, Bakı vaxtı ilə saat 21:45-də aşağıdakı oyunlar başlayacaq:
- “Fənərbağça” (Türkiyə) – “Anderlext” (Belçika)
- “Ferensvaroş” (Macarıstan) – “Viktoriya Plzen” (Çexiya)
- “Midtyulland” (Danimarka) – “Real Sosyedad” (İspaniya)
- “Royal Union” (Belçika) – “Ayaks” (Niderland)
Gecə saat 00:00-da isə aşağıdakı matçlar keçiriləcək:
- “AZ Alkmaar” (Niderland) – “Qalatasaray” (Türkiyə)
- “Portu” (Portuqaliya) – “Roma” (İtaliya)
- PAOK (Yunanıstan) – FCSB (Rumıniya)
- “Tvente” (Niderland) – “Budö-Qlimt” (Norveç)
Qeyd edək ki, cavab qarşılaşmaları fevralın 20-də keçiriləcək.
