Azərbaycan milli futbol komandasının baş məşqçisi Ayxan Abbasov 2026-cı il dünya çempionatının seçmə mərhələsinin sonunda da komandaya rəhbərlik etməyə davam edəcək. Bu qərar, komandanın qarşıdakı oyunlardakı nəticələrindən asılı olmayaraq qüvvədə qalacaq.
Əvvəlcə Ayxan Abbasovla “1+2” formatında müqavilə bağlandığı açıqlanmışdı: ilkin olaraq il müddətinə razılıq əldə ediləcək, daha sonra isə yığma 2026 dünya çempionatının seçmə mərhələsində ilk xalını qazandıqda müqavilə iki il əlavə müddətə uzadılacaqdı. Lakin mənbələrin verdiyi məlumata görə, bu məlumat artıq aktual deyil.
AFFA rəhbərliyi baş məşqçiyə qısa zamanda tam potensialını nümayiş etdirməsi üçün daha çox vaxt tanımaq niyyətindədir. Buna görə də Abbasov 2026/2027 mövsümündə keçiriləcək UEFA Millətlər Liqasına hazırlıq prosesi üçün də komandaya rəhbərlik edəcək.
Azərbaycan millisinin D qrupundakı vəziyyəti belədir: Fransa 10 xalla liderdir, Ukrayna 7 xalla ikinci yerdədir, İslandiya 4 xal, Azərbaycan isə 1 xalla sondadır.
Növbəti oyunlar noyabrın 13-də Bakı şəhərində İslandiya ilə, 16 noyabrda isə yenə Bakıda Fransa millisi ilə keçiriləcək.
