Azərbaycan 2-ci Liqasında 9-cu turun oyunları yekunlaşıb. Dünən start götürən tur çərçivəsində üçüncü oyun günündə 3 görüş keçirilib. Lider “Xankəndi” komandası evdə “Göygöl” klubu üzərində inamlı qələbə qazanaraq öz mövqeyini qoruyub. Şərikli liderlərdən olan “Qaradağ Lökbatan” isə “Kür-Araz”ı evdə məğlub edib və liderlik yarışında güclü mövqe saxlayıb.
Bu turun digər görüşündə paytaxtda “Şirvan” və “Şəki Siti” komandaları üz-üzə gəliblər. Oyun zamanı nominal qonaqlar əvvəlcə hesabı açsalar da, “Şəki Siti” azarkeşlərini sevindirərək 2:1 hesablı qələbəyə nail olub.
Qeyd edək ki, tur çərçivəsində dünən keçirilən matçlarda isə “Şəmkir” komandası öz stadionunda “Ağdaş”ı 4:1, “Dinamo” səfərdə “Ağstafa Gəncləri”ni 1:0, “Quba” isə evdə “Araz Saatlı”ya 4:2 hesabıyla qalib gəlib.
17 noyabr 2025-ci il tarixində baş tutan 9-cu turun nəticələri belədir:
- “Şəki Siti” – “Şirvan”: 2:1
Qollar: C.İmamverdiyev (35), R.Məhərrəmov (75) – E.Xəlilov (12) - “Xankəndi” – “Göygöl”: 3:0
Qollar: S.Ağayev (5), H.Hüseynli (32), B.Teymurov (58) - “Qaradağ Lökbatan” – “Kür-Araz”: 4:0
Qollar: R.Orucov (13), S.Allahquliyev (24), E.Əskərli (40), R.Şahmuradov (75)
Bu nəticələrlə mövcud liderlərin mövqeləri möhkəmlənib və 2-ci Liqada maraqlı mübarizə davam edir.
