Bu gün Azərbaycan Basketbol Liqasında VII turun növbəti oyunu baş tutacaq. B qrupunda mübarizə aparan “Sumqayıt” komandası saat 19:00-da Sumqayıt Olimpiya İdman Kompleksində “Naxçıvan” klubu ilə qarşılaşacaq.
Hazırda “Naxçıvan” qrupda 10 xal toplayaraq ikinci yerdədir, “Sumqayıt” isə 8 xalla sonuncu – altıncı pillədə qərarlaşıb. Gərgin keçməsi gözlənilən bu oyunda hər iki komandanın qələbə üçün böyük motivasiyası var.
Qeyd edək ki, turun əvvəlki gün keçirilən qarşılaşmasında “Lənkəran” “Sərhədçi”ni 83:78 hesabı ilə məğlub edib. VII tur noyabrın 16-da yekunlaşacaq.
