Bu gün Azərbaycan Basketbol Liqasının VI turu çərçivəsində B qrupunda iki oyun təşkil olunacaq. İlk matç Quba Olimpiya İdman Kompleksində keçiriləcək və “Quba” komandası “Sərhədçi”ylə üz-üzə gələcək. “Quba” hazırda 7 xalla dördüncü, “Sərhədçi” isə 6 xalla beşinci yerdədir. Görüş saat 15:00-da başlayacaq.
Turun digər oyunu isə Bakı İdman Sarayında keçiriləcək. Burada qrupun lideri 10 xallı “Ordu” komandası ilə 9 xalı olan “Naxçıvan” komandası qarşılaşacaq. Bu maraqlı oyun saat 19:00-da start götürəcək.
Xatırladaq ki, turun əvvəlki oyun günündə “Sumqayıt” səfərdə “Lənkəran” üzərində 98:94 hesablı qələbə qazanıb.
