Azərbaycan boksçusu Marjona Savriyeva (50 kq) Bolqarıstanın paytaxtı Sofiyada keçirilən Avropa çempionatında yarımfinala yüksəlməklə bürünc medalı təmin edib.
Sport-az.com xəbər verir ki, Boks Federasiyasının məlumatına görə, 1/4 final mərhələsində Savriyeva şotlandiyalı Nili Brukla qarşılaşıb. Rəqib zədə aldığından həkimlər döyüşü davam etdirməyə icazə verməyiblər və Savriyeva qalib elan olunub.
Qeyd edək ki, Marjona Savriyeva yarımfinalda oktyabrın 17-də Polşalı Dominika Kuçzevska ilə mübarizə aparacaq.
