Azərbaycanı beynəlxalq basketbol arenalarında təmsil edən FIBA reytinqli dörd hakimimiz bu yay Avropada keçiriləcək gənclər və yeniyetmələr arasında Avropa çempionatlarında ədaləti qoruyacaqlar.
Sport-az.com xəbər verir ki, Alekpər Həsənov, Ruslan Xəlilov, Ürfan Bayramlı və Anastasiya Soljenitsına iyul-avqust aylarında bir neçə Avropa ölkəsində keçiriləcək turnirlərə FIBA tərəfindən dəvət olunublar.
Azərbaycanlı hakimlərin təyinatları
- Alekpər Həsənov
- Serbiya – U-18 oğlanlar, A Divizionu (26 iyul – 3 avqust)
- Gürcüstan – U-16 oğlanlar, A Divizionu (8–16 avqust)
- Ruslan Xəlilov
- Rumıniya – U-18 oğlanlar, B Divizionu (25 iyul – 3 avqust)
- Rumıniya – U-16 qızlar, A Divizionu (15–23 avqust)
- Albaniya – U-16 oğlanlar, C Divizionu (5–13 iyul)
- Ürfan Bayramlı
- Rumıniya – U-18 oğlanlar, B Divizionu (25 iyul – 3 avqust)
- Türkiyə – U-20 qızlar, B Divizionu (20–29 avqust)
- Şimali Makedoniya – U-16 oğlanlar, B Divizionu (7–16 avqust)
- Anastasiya Soljenitsına
- Litva – U-18 qızlar, B Divizionu (4–13 iyul)
Bu təyinatlar Azərbaycan basketbolunun beynəlxalq səviyyədəki nüfuzunun göstəricisidir və referilərimizə etimadın artdığını sübut edir.
