Azərbaycan Kuboku: “Neftçi” “Kəpəz”ə, “Zirə” “Araz-Naxçıvan”a qarşı
Bu gün Azərbaycan Kubokunun 1/4 final mərhələsində cavab oyunları keçirilir. Daha iki qarşılaşmanın baş tutacağı günün sonunda bütün yarımfinalçılar bəlli olacaq.
sport-az.com xəbər verir ki, mərhələnin mərkəzi oyununda “Zirə” öz meydanında “Araz-Naxçıvan”ı qəbul edəcək. İlk görüşdə “Araz-Naxçıvan” minimal hesabla qələbə qazansa da, Rəşad Sadıqovun komandası bu üstünlüyü əldən vermək niyyətində deyil. “Zirə” ötən mövsüm turnirin finalçısı olub və bu dəfə də uğurlu çıxışını davam etdirmək arzusundadır.
Günün ikinci qarşılaşmasında “Neftçi” doğma meydanda “Kəpəz”i qəbul edəcək. İlk oyunda 2:0 hesablı qələbə qazanan “ağ-qaralar” cütün favoriti hesab olunur. Əgər sürpriz yaşanmasa, “Neftçi” yarımfinalda “Sabah” ilə qarşılaşacaq. “Qarabağ” isə “Zirə” və “Araz-Naxçıvan” cütünün qalibi ilə üz-üzə gələcək.
📅 28 fevral
🕓 16:00 | “Zirə” – “Araz-Naxçıvan”
📍 Zirə İdman Kompleksinin stadionu
Hakimlər: İnqilab Məmmədov, Namik Hüseynov, Rahil Ramazanov, Kamal Umudlu
VAR: Əliyar Ağayev, Akif Əmirəli
Hakim-inspektor: Rəhim Həsənov
AFFA nümayəndəsi: Elçin Mehtiyev
(İlk oyun: 0:1)
🕢 19:30 | “Neftçi” – “Kəpəz”
📍 “Neftçi Arena”
Hakimlər: Rəşad Əhmədov, Vüsal Məmmədov, Teymur Teymurov, Tural Qurbanov
VAR: Rəvan Həmzəzadə, Kamran Bayramov
Hakim-inspektor: Orxan Məmmədov
AFFA nümayəndəsi: Emin Cəfərov
(İlk oyun: 2:0)
