Bizon Azərbaycan Kubokunda 1/8 final matçları sürətlə davam edir. Bugünkü oyunlarda üç qarşılaşma baş tutacaq. “Şamaxı” öz meydanında I Liqa təmsilçisi “Baku Sportinq” ilə üz-üzə gələcək. Digər görüşlərdə “Qarabağ” “Karvan-Yevlax”a, “İmişli” isə “Sabah”la qarşılaşacaq.
“Şamaxı” – “Baku Sportinq” matçı 1:0 hesabı ilə bitib. Təmsilçimizin yeganə qolunu 69-cu dəqiqədə Abdulaye Şuaybu vurub. Oyunda hakimlər kimi İnqilab Məmmədov, Namiq Hüseynov, Rahil Ramazanov, Elvin Bayramov iştirak edib. Matç Şamaxı şəhər stadionunda keçirilib. “Şamaxı”nın heyətində Rafael Məhərrəmli kapitanlıq edir, “Baku Sportinq”in baş məşqçisi Samir Ələkbərovdur.
Quba Olimpiya İdman Kompleksində “İmişli” və “Sabah” qarşılaşması 1:2 nəticələnib. “İmişli”dən İbrahim Əliyev (89) fərqlənib, “Sabah” isə Coy Lens Mikels (59) və Kahim Parrisin (96) qolları ilə üstünlük qazanıb. Bu oyunun hakimləri Kamal Umudlu, Vüsal Məmmədov, Şirmamed Mamedov və Əkbər Əhmədov olub. VAR xidməti Fərid Hacıyev, Vüqar Həsənli tərəfindən idarə edilib.
Axşam saat 19:00-da “Azərsun Arena”da “Qarabağ” “Karvan-Yevlax”ı qəbul edəcək. Bu matçda hakim korpusuna Əliyar Ağayev, Zeynal Zeynalov, Akif Əmirəli və Nicat İsmayıllı daxildir. VAR xidmətində Rəşad Əhmədov və Emin Əliyev iştirak edir. AFFA nümayəndəsi Bəhram Qurbanovdur.
Qeyd edək ki, dünən keçirilən görüşlərdə “Turan Tovuz” və “Zirə” 1/4 finala yüksəlib. Bu mərhələdə oyunlar tək görüş prinsipi ilə keçirilir və son üç 1/4 finalçı sabah keçiriləcək oyunlardan sonra məlum olacaq.
