Azərbaycan Kubokunda ikinci təsnifat mərhələsinin oyunları başa çatdıqdan sonra 1/8 finala yüksələn komandalar və onların qarşılaşma cütlükləri müəyyənləşib.
Oktyabrın 29-da keçirilən qarşılaşmalar nəticəsində “Neftçi”, “Qəbələ”, “Şahdağ Qusar”, “Şamaxı”, “Sumqayıt” və “Difai” komandaları növbəti mərhələyə vəsiqə qazanıblar. Əvvəlki raundda isə “Turan Tovuz”, “Karvan-Yevlax”, “İmişli”, “Kəpəz”, “Şəfa” və “Baku Sportinq” qalib gəlib.
Beləliklə, 1/8 final mərhələsinin cütlükləri aşağıdakı kimi formalaşıb:
- “Şamaxı” – “Baku Sportinq”
- “Qarabağ” – “Karvan-Yevlax”
- “İmişli” – “Sabah”
- “Qəbələ” – “Şəfa”
- “Şahdağ Qusar” – “Turan Tovuz”
- “Araz-Naxçıvan” – “Kəpəz”
- “Difai” – “Sumqayıt”
- “Zirə” – “Neftçi”
Məlumat üçün bildirək ki, oktyabrın 29-da keçirilən II təsnifat mərhələsində aşağıdakı oyunlar oynanılıb:
- “Şimal” – “Şahdağ Qusar” 0:2
- “Xankəndi” – “Difai” 1:2
- “Zaqatala” – “Sumqayıt” 0:3
- “Qəbələ” – “Mingəçevir” 5:1
- “Səbail” – “Şamaxı” 0:1
- “Neftçi” – MOİK 6:2
Ötən gün isə aşağıdakı komandalara 1/8 finala yüksəlmək nəsib olub:
- “Kəpəz”, “Karvan-Yevlax”, “İmişli”, “Turan Tovuz”, “Baku Sportinq”, “Şəfa”
Bu mərhələnin oyunları dekabr ayında keçiriləcək.
