Bu gün Azərbaycan qadın futbolçulardan ibarət milli komandası UEFA Millətlər Liqasındakı növbəti oyununa çıxacaq.
sport-az.com-ın yaydığı xəbərə əsasən, Siyasət Əsgərovun rəhbərlik etdiyi yığmamız C Liqasının 4-cü qrup mərhələsində Litva ilə səfər matçına çıxacaq. Qarşılaşma Vilnüs şəhərində yerləşən “Jalgiris” stadionunda baş tutacaq və Bakı vaxtı ilə saat 20:00-da başlayacaq.
Qrupdakı mövcud vəziyyət:
- Monteneqro – 2 oyun, 4 xal (1-ci yer)
- Azərbaycan – 1 oyun, 1 xal (2-ci yer)
- Litva – 1 oyun, 0 xal (3-cü yer)
Qeyd edək ki, millimiz turnirdə ilk oyununu Bakıda Monteneqroya qarşı keçirib və bu qarşılaşma qolsuz heç-heçə (0:0) ilə başa çatıb. Komandamız aprelin 8-də həmin rəqiblə səfərdə yenidən qarşılaşacaq.
