Azərbaycan şahmat çempionatında sonuncu yarış günündə həlledici tay-brek matçları keçirilib və ölkənin yeni çempionları müəyyən olunub. Sport-Az xəbər verir ki, kişilər arasında final qarşılaşması Rauf Məmmədov və Şəhriyar Məmmədyarov arasında baş tutub. Gərgin mübarizədə Məmmədov qalib gələrək Azərbaycan çempionu titulunu altıncı dəfə qazanıb.
Qadınlar arasında isə Günay Məmmədzadə finalda Gövhər Beydullayeva üzərində inamlı qələbə qazanaraq ölkə çempionu tituluna yiyələnib. Bürünc medal uğrunda mübarizədə isə Gülnar Məmmədova Ülviyyə Fətəliyevaya qalib gələrək üçüncü yeri tutub.
