Azərbaycan milli qadın basketbol komandası FİBA-nın Avropa çempionatı seçmə mərhələsi çərçivəsində son iki oyununu keçirəcək.
Sport-az xəbər verir ki, bu barədə Azərbaycan Basketbol Federasiyasının mətbuat xidməti məlumat yayıb.
Komandamız qrup lideri Belçika ilə 6 fevral tarixində Bakı vaxtı ilə saat 23:15-də COREtec Dome arenasında (Ostende şəhəri) qarşılaşacaq.
Üç gün sonra, 9 fevral tarixində, saat 17:00-da milli komandamız Polşa yığması ilə “Sərhədçi” İdman Mərkəzində üz-üzə gələcək.
Qeyd edək ki, Avropa çempionatının final mərhələsi 2025-ci ilin iyun ayında keçiriləcək.
