Azərbaycan Voleybol Federasiyasının məlumatına görə, qadın voleybolçular arasında keçirilən Azərbaycan Yüksək Liqası oyunları təxirə salınıb. Bu qərar növbəti ay Səudiyyə Ərəbistanının paytaxtı Ər-Riyadda baş tutacaq VI İslam Həmrəyliyi Oyunlarında milli komandamızın iştirakı nəzərə alınaraq qəbul edilib.
Yüksək Liqada çıxış edən voleybolçular və məşqçilərin milliyə cəlb olunması səbəbindən qarşıdakı oyunlar noyabrın 18-dək keçirilmir. Bu müddət ərzində komandanın hazırlığına üstünlük veriləcək.
Federasiya təxirə salınan görüşlərin yeni tarixləri barədə əlavə məlumat verəcək.
