Azərbaycanın iki boksçusu Bolqarıstanın paytaxtı Sofiyada davam edən U-23 Avropa çempionatında uğurla çıxış edərək 1/4 finala vəsiqə qazanıb.
Sport-az.com xəbər verir ki, 51 kq çəki dərəcəsində mübarizə aparan Nicat Hüseynov ilk görüşündə Uelsdən olan Skott Riçardsla qarşılaşıb və döyüşü inamla qazanıb. Hüseynov rəqibini 5:0 hesabı ilə məğlub edib (30:27, 30:27, 30:27, 30:27, 29:28). O, 1/4 finalda ispaniyalı Rafael Serrano ilə üz-üzə gələcək.
Murad Allahverdiyev də yarışa qələbə ilə başlayıb. O, ilk görüşündə İBAB təmsilçisi Aleksey Koktsikavanı 3:2 hesabı ilə məğlub edib (28:29, 29:28, 30:27, 28:29, 30:27). Allahverdiyev növbəti mərhələdə Ukraynanı təmsil edən Matviy Rajba ilə qarşılaşacaq.
Qeyd edək ki, kişi boksçular arasında 1/4 final mərhələsinin görüşləri oktyabrın 16-da baş tutacaq.
