Bakı mərhələsindən sonra qadınlar arasında 3×3 basketbol üzrə yenilənmiş dünya komandalar reytinqi açıqlanıb. Sport-az.com-un məlumatına görə, siyahıda Azərbaycanın qadın milli komandası da yer alıb. Hazırda yığmamız 30-cu pillədə qərarlaşıb və 83,991 xal toplayıb. Lakin əvvəlki reytinqlə müqayisədə 20,430 xal itirərək iki pillə geriləyib.
Ən güclü komanda – Niderland
Reytinqin lideri Niderland millisi olub. Komanda 533,533 xalla ilk yerdə qərarlaşıb. Azərbaycan yığmasının mövqeyindəki dəyişikliklər beynəlxalq turnirlərdəki nəticələr və toplanan reytinq xallarına əsasən müəyyən edilir. Qarşıdakı yarışlarda əldə olunacaq nəticələr, bu mövqenin bərpasına və ya daha da yaxşılaşdırılmasına imkan verə bilər.
