Azərbaycanın U-17 milli futbol komandası 2025-ci il Avropa çempionatının seçmə mərhələsi çərçivəsində Albaniya və Uels yığmalarına qarşı keçirəcəyi oyunlar üçün heyətini açıqlayıb.
Sport-Az xəbər verir ki, AFFA-nın mətbuat xidmətinin yaydığı məlumata əsasən, milli komanda 11-14 mart tarixlərində Bakıda təlim-məşq toplanışı keçirəcək. Martın 14-də saat 13:00-da “Kapital Bank Arena”da “Sumqayıt”ın U-19 komandası ilə yoxlama oyunu təşkil ediləcək.
Millimiz 15-25 mart tarixlərində Albaniyada baş tutacaq Avropa çempionatının seçmə mərhələsində iştirak edəcək. Komanda B Liqasının 6-cı qrupunda Albaniya və Uels komandaları ilə mübarizə aparacaq. Albaniya ilə oyun Bakı vaxtı ilə saat 18:00-da, Uelslə qarşılaşma isə 22 martda saat 15:00-da “Elbasan Arena” stadionunda keçiriləcək.
Azərbaycan millisinin heyətində 8 legioner futbolçu yer alıb. Heyət:
- Rauf Ayubov – Sabah
- Elbrus Kərimov – Marset (İspaniya)
- Murad Qurbanov – Zirə
- Həzrət Səmədov – Sabah
- Səttar Tahirzadə – Marset (İspaniya)
- Tuncay Əhmədov – Marset (İspaniya)
- Amin Rzayev – Qarabağ
- Fərid Cabbarlı – Zirə
- Nadir Nəsibli – Marset (İspaniya)
- Məhəmməd Çodarov – Marset (İspaniya)
- Tunar Muradov – Turan Tovuz
- Əli Qazibəyov – Qarabağ
- İbrahim Babayev – Servette 1890 (İsveçrə)
- Vüsal Kərimov – Neftçi
- Abduləziz Cabbarlı – Qarabağ
- Aziz Kərimov – Qəbələ
- Tunar Rzayev – Marset (İspaniya)
- İslam Həsənov – Grafisar (Serbiya)
- Əhməd Vəliyev – Qarabağ
- Əli İbrahim – Qarabağ
