2008–2009-cu il təvəllüdlü voleybolçulardan ibarət Azərbaycan yeniyetmələrdən ibarət milli komandası bu gün Belarusun paytaxtı Minskə yola düşüb.
Sport-az.com xəbər verir ki, komandamız Belarusun U-18 yığması ilə birgə təlim-məşq toplanışında iştirak edəcək. Hazırlıq prosesi 12 iyuna qədər davam edəcək.
Birgə məşqlər və yoxlama oyunları planlaşdırılıb
Toplanış çərçivəsində hər iki komanda arasında bir neçə yoxlama oyunu keçiriləcək. Bu matçlar həm taktiki hazırlıq, həm də qarşıdakı yarışlara uyğunlaşma baxımından böyük əhəmiyyət daşıyır.
Azərbaycan millisinin baş məşqçisi Cahangir Seyyid Abbasi rəhbərliyində 15 idmançıdan ibarət heyət Belarus toplanışına qatılıb.
Komanda MDB Oyunlarına hazırlaşır
Qeyd edək ki, yeniyetmələrdən ibarət yığmamız bu il Azərbaycanda keçiriləcək MDB Oyunlarında ölkəmizi təmsil edəcək. Bu baxımdan Belarusdakı toplanış komandanın oyun təcrübəsini artırmaq məqsədi daşıyır.
