Azərbaycanlı FIFA referisi Elçin Məsiyev UEFA Çempionlar Liqasının II təsnifat mərhələsində keçiriləcək qarşılaşmaya baş hakim kimi təyinat alıb. Sport-az.com-un məlumatına görə, o, iyulun 23-də baş tutacaq “Riyeka” (Xorvatiya) – “Ludoqorets” (Bolqarıstan) oyununu idarə edəcək.
Elçin Məsiyevə bu oyunda aşağıdakı azərbaycanlı hakimlər yardımçı olacaq:
- Yan xətt hakimləri: Elşad Abdullayev və Pərvin Talıbov
- Dördüncü hakim: Fərid Hacıyev
VAR sistemi üzrə nəzarəti isə italiyalı Canluka Aureliano həyata keçirəcək. Əliyar Ağayev isə bu qarşılaşmada AVAR funksiyasını yerinə yetirəcək. Qarşılaşma Xorvatiyanın Riyeka şəhərində yerləşən eyniadlı stadionda baş tutacaq.
