Azərbaycanın beynəlxalq dərəcəli köməkçi hakimi Sevda Nuriyeva UEFA tərəfindən yeni təyinatla qadınlar arasında UEFA Çempionlar Liqasının ilk təsnifat mərhələsinə göndərilib.
Sport-az.comun AFFA-nın mətbuat xidmətinə istinadən verdiyi məlumata görə, Sevda Nuriyeva 1-ci qrup çərçivəsində keçiriləcək iki görüşdə köməkçi hakim funksiyasını yerinə yetirəcək.
- İyulun 30-da baş tutacaq yarımfinal matçında – “Flora” (Estoniya) – “Riqa” (Latviya) qarşılaşmasında Nuriyeva, maltalı baş hakim Yoanna Vassallonun köməkçisi olacaq.
- Avqustun 2-də isə qrupun məğlub komandaları arasında keçiriləcək 3-cü yer uğrunda oyunda iştirak edəcək. Həmin görüşdə sloveniyalı baş hakim Tyaşa Misya tərəfindən idarə olunacaq briqadaya daxil ediləcək.
Bütün bu qarşılaşmalar Lüksemburqdakı “Axill Hammerel” stadionunda təşkil olunacaq.
