Gürcüstanın Rustavi şəhərində 13 sentyabr 2025-ci ildə keçirilən “Georgian Motorcycle Endurance Cup Series” yarışlarında Azərbaycan Motosiklet İdmanı Federasiyasının (AMİF) idmançısı Anar Məmmədov BMW S 1000 RR motosikleti ilə çıxış edərək birinci yeri tutub. Bu, Məmmədovun Gürcüstanda ilk qələbəsi deyil – yayda o, oxşar turnirdə bürünc medal qazanmışdı.
AMİF-in yaydığı məlumata görə, idmançı güclü rəqiblər arasında üstünlük nümayiş etdirərək, Azərbaycan motosiklet idmanını layiqincə təmsil edib.
