Azərbaycan millisinin kişi və qadın voleybolçuları Rumıniyada çıxış etdikləri klubların heyətində ölkə kubokunun qalibi olublar. Sport-az-ın məlumatına görə, Rumıniya qadınlar liqasının finalında E.M. Rüban və O. Xarçenko kimi Azərbaycan yığmasının oyunçuları çıxış etdiyi “Alba Blaj” komandası “CSO Voluntari” üzərində 3:1 hesablı qələbə qazanaraq kuboka sahib çıxıb.
Kişilər arasında keçirilən həlledici görüşdə isə Azərbaycanlı voleybolçu Andrey Melnikovun formasını geyindiyi “Corona Braşov” komandası “Municipal Zalau” üzərində eyni hesabla (3:1) qalib gəlib.
