May ayında Bakıda baş tutacaq minifutbol üzrə dünya çempionatının qaliblərinə təqdim olunacaq medallar ictimaiyyətə nümayiş etdirilib. Turnirin rəmzi olan xüsusi loqo medalların üzərində incəliklə həkk olunub.
Medallar qiymətli materiallardan hazırlanıb və yüksək keyfiyyətləri ilə seçilirlər. Dizaynında həm turnirin əhəmiyyəti, həm də Azərbaycanın ev sahibliyi etdiyi beynəlxalq tədbirə verdiyi dəyər əksini tapıb.
Qeyd edək ki, bu nüfuzlu yarış 22 may – 1 iyun tarixlərində Bakının Milli Gimnastika Arenasında təşkil olunacaq. Oyunlar boyunca dünyanın müxtəlif ölkələrindən komandalar ölkəmizdə güclərini sınayacaqlar.
