UFC-nin Bakıda keçiriləcək turniri ilə bağlı yeni və maraqlı məlumatlar açıqlanıb. Məğlubiyyətsiz seriyasını davam etdirən türkiyəli, çeçen əsilli döyüşçü Abdul-Rahman Yakhyaev növbəti görüşünü məhz paytaxt Bakında keçirəcək.
Məlumata görə, Yaxyaev oktaqonda Julius Walker ilə qarşılaşacaq. Bu xəbər onun son qələbəsindən dərhal sonra yayılıb. Döyüşçü əvvəlki görüşündə Brendson Ribeyronu ilk raundda boğucu fəndlə məğlub edərək qələbə seriyasını davam etdirib. Qələbədən sonra o, titul uğrunda döyüşə mümkün qədər tez çıxmaq istədiyini açıqlamışdı.
Artıq Bakı turniri üçün bir neçə maraqlı cütlük formalaşmağa başlayıb. Döyüş kartında aşağıdakı qarşılaşmalar yer ala bilər:
- Sharabutdin Magomedov – Michel Pereira
- Ikram Aliskerov – Bruno Ferreira
- Asu Almabayev – Charles Johnson
- Nursultan Ruziboev – Andrey Pulev
Bundan əlavə, Ismail Naurdiev ilə Marvin Vettori arasında mümkün döyüş də müzakirə olunur, lakin bu qarşılaşma hələ rəsmi təsdiqini tapmayıb.
Azərbaycanlı döyüşçülərlə bağlı qeyri-müəyyənlik qalır
Turnirin ən böyük suallarından biri yerli döyüşçülərin iştirakıdır. Rafael Fiziev yanvarın 31-də Maurisio Ruffiyə texniki nokautla uduzsa da, aprelin əvvəlində Fares Ziam tərəfindən çağırış alıb və bunu qəbul edib. Bu səbəbdən onların Bakıda qarşılaşma ehtimalı geniş müzakirə olunur.
Ziam daha əvvəl, 2025-ci ilin dekabrında digər azərbaycanlı döyüşçü Nazim Sadykhov üzərində qələbə qazanmışdı. Sadykhov isə yaxın vaxtlarda zədə səbəbilə turnirdən çəkilib.
Digər tərəfdən, Tofiq Musayev martın sonunda Ignacio Bahamondes üzərində qalib gələrək “Gecənin döyüşü” bonusunu qazanıb. Lakin o, həmin görüşə sınıq əl ilə çıxdığını bildirib və hazırda bərpa prosesindədir.
Beləliklə, Bakı turnirinin döyüş kartı getdikcə daha maraqlı hal alır, lakin azərbaycanlı azarkeşlərin əsas diqqət mərkəzində olan sual – yerli ulduzların kimlərin çıxış edəcəyi – hələ də açıq qalır.
