“Barselona” UEFA Çempionlar Liqasının 1/8 final mərhələsində “Benfika”nı 1:0 hesabı ilə məğlub etdi. Matçın erkən dəqiqələrində Kataloniya klubunun futbolçusu Pau Kubarsi 22-ci dəqiqədə qırmızı vərəqə alaraq komandasını azlıqda qoysa da, “Barselona” qapısını toxunulmaz saxladı və qələbə qazandı.
Sport-Az, Barca Universal-a istinadən xəbər verir ki, bu, “Barselona”nın 2019-cu ildən sonra Çempionlar Liqasının pley-off mərhələsində ilk dəfə qol buraxmadan keçirdiyi matçdır.
Kataloniyalıların qapıçısı Voyçex Şesnı “Benfika”nın 8 zərbəsini dəf edərək komandasına əvəzsiz töhfə verib. Oyunun yeganə qolunu isə 61-ci dəqiqədə Rafinya Dias vuraraq “Benfika”ya çətin anlar yaşadıb.
Cavab oyunu nə vaxtdır?
İki komanda arasındakı cavab görüşü 11 martda keçiriləcək.
