“Barselona” klubunun cinah hücumçusu Ferran Torres omba xəsarəti səbəbindən komandasının oyunlarından kənarda qalacaq.
sport-az.com-ın “Diario Sport”a istinadən verdiyi xəbərə görə, Ferran Torresin yaşıl meydanlara qayıtması təxminən 1 ay çəkəcək.
Xatırladaq ki, futbolçu İspaniya La Liqasının 9-cu turunda “Barselona”nın “Alaves”ə qarşı keçirdiyi oyunda zədələnib. Matç 3:0 hesabı ilə “Barselona”nın xeyrinə yekunlaşıb, lakin Ferran Torres 6-cı dəqiqədə Erik Qarsiya ilə əvəzlənərək oyunu erkən tərk etmək məcburiyyətində qalıb.
