“Barselona” futbol klubu, ev stadionu “Kamp Nou” dakı VIP yerlərin satışını həyata keçirdiyini açıqlayıb.
Sport-Azın verdiyi məlumata görə, bu barədə klubun rəsmi saytında məlumat yayımlanıb.
Klubun açıqlamasında bildirilir:
“Bu əməliyyat, son aylarda üzərində işlənilən bir layihədir. O, La Liqanın maliyyə fair-play qaydalarına uyğunluğu təmin etməyə imkan verir. ‘Barselona’ iki Yaxın Şərq ölkəsindən olan investorlarla 475 yerin satışını başa çatdırıb. Razılaşmanın müddəti 30 ildir. Lazımi sənədlər keçən ilin sonunda La Liqaya təqdim edilib.”
