Martın 28-də gecə saatlarında İspaniya La Liqasının 27-ci turu çərçivəsində təxirə salınmış qarşılaşma keçirilib. “Barselona” “Osasuna” üzərində 3:0 hesablı qələbə qazanaraq turnir cədvəlinin tək lideri olub.
Görüş əvvəlcə martın 8-nə planlaşdırılmışdı, lakin Kataloniya klubunun həkiminin vəfatı səbəbindən təxirə salınmışdı. Oyun Barselonadakı “Estadi Olimpic” stadionunda baş tutub.
İlk hissədə “Barselona” qələbə zəminini Ferran Torresin 11-ci dəqiqədəki qolu və Dani Olmonun 21-ci dəqiqədə penaltidən vurduğu qolla qoydu. İkinci hissədə əvəzlənərək oyuna daxil olan Robert Levandovski 77-ci dəqiqədə hesabı tamamladı.
Bu qələbə ilə “Barselona” xallarını 63-ə yüksəldərək “Real Madrid” (60 xal) və “Atletiko Madrid”i (56 xal) geridə qoyub.
La Liqada liderlərin durumu:
- Barselona – 63 xal
- Real Madrid – 60 xal
- Atletiko Madrid – 56 xal
- Atletik Bilbao – 52 xal
- Vilyarreal və Betis – 44 xal
Matçın detalları
La Liqa, 27-ci tur
Barselona – Osasuna: 3:0
Qollar:
- Ferran Torres – 11
- Dani Olmo – 21 (pen)
- Robert Levandovski – 77
Barselona heyəti: Şçensnı, Balde (Martin 83), Martines, Erik Qarsiya, Kunde, Pedri (Viktor 84), De Yonq (Torre 46), Olmo (Lopez 28), Qavi, Ferran Torres (Levandovski 68), Yamal
Osasuna heyəti: Errera, Xuan Krus, Errando, Katena, Areso (Penya 84), Arnais (Boyomo 46), Munyos (Ruben Qarsiya 34), İbanyes, Monkayola, Oros (Moyses Qomes 61), Raul Qarsiya (Budimir 60)
Sarı vərəqələr: Erik Qarsiya – 40; Katena – 38, Xuan Krus – 50
