“Barselona” və “Real Madrid” klublarının əfsanəvi oyunçuları dekabrın 15-də Yaponiyada keçiriləcək xüsusi El Klasiko matçında bir daha üz-üzə gələcək.
Sport-az.com məlumatına görə, bu xüsusi görüş futbol azarkeşlərinə “Barselona” və “Real Madrid” arasındakı əbədi rəqabəti yenidən yaşadacaq. “Barselona” heyətində Xavi, Andres İnyesta, Rafael Markes, Xavyer Maskerano, Rivałdo, Boyan Krkiç, Xavyer Saviola, Ludovik Juli, Adriano və Gaiska Mendieta kimi futbol tarixinin tanınmış simaları çıxış edəcək. Komandanı isə Albert Ferrer idarə edəcək.
“Real Madrid” heyəti hələlik tam açıqlanmayıb, lakin bu komandanın da əfsanəvi futbolçuları ilə iştirak edəcəyi gözlənilir. Bu matç dünya futbol azarkeşləri üçün unudulmaz bir görüş olacaq, çünki El Klasiko hər zaman böyük həyəcan və rəqabət dolu anlarla yadda qalır. Əfsanələr matçının keçirilməsi, həmçinin gənc nəsilə futbolun ən gözəl dövrlərini tanıtmaq məqsədi daşıyır.
