“Barselona” Çempionlar Liqasının qrup mərhələsində “Brest”ə qarşı keçirəcəyi matçda heyətində daha bir əhəmiyyətli itki ilə üzləşib.
Sport-az.com-un məlumatına görə, klubun mətbuat xidməti açıqlayıb ki, gənc müdafiəçi Alehandro Balde oyunun iştirakçı siyahısından çıxarılıb. Baldenin zədəsi ciddi olmasa da, məşqçilər heyəti onun səhhətini riskə atmaq istəməyib. Bu qərar ehtiyat tədbiri olaraq qəbul edilib.
Eyni zamanda, klubun digər ulduz futbolçusu Lamin Yamalın da zədə səbəbindən “Brest”lə görüşdə forma geyinməyəcəyi əvvəlcədən məlum idi.
