Azərbaycan Basketbol Liqasında (ABL) kişilər arasında keçirilən pley-off mərhələsinin ikinci oyunları üçün rəsmi tarixlər müəyyənləşib. Qarşılaşmalar iki qələbəyə qədər davam edən sistem üzrə keçiriləcək və cavab oyunları 20 aprel tarixindən başlayacaq.
İlk cavab oyunu Gəncədə keçiriləcək. Yerli “Gəncə” komandası öz meydanında “Şəki” ilə qarşılaşacaq. Qeyd edək ki, pley-off mərhələsinin ilk matçları artıq başlayıb və bu mərhələ 19 aprel tarixində “Naxçıvan” – “Abşeron” oyunu ilə tamamlanacaq.
21 və 22 aprel tarixlərində isə digər cavab görüşləri baş tutacaq. “Sərhədçi” öz meydanında “Sabah”ı, “Ordu” isə “Neftçi”ni qəbul edəcək. Üçüncü oyun günündə “Abşeron” və “Naxçıvan” komandaları üz-üzə gələcək.
Azərbaycan Basketbol Liqası – Pley-off mərhələsi (ikinci oyunlar):
20 aprel
- Saat 14:00 – Gəncə – Şəki
Məkan: Gəncə İdman Sarayı
21 aprel
- Saat 19:00 – Sərhədçi – Sabah
Məkan: Sərhədçi İdman Mərkəzi - Saat 19:00 – Ordu – Neftçi
Məkan: Bakı İdman Sarayı
22 aprel
- Saat 19:00 – Abşeron – Naxçıvan
Məkan: Bakı İdman Sarayı
